دعوة السنوار لانهاء الحصار

من زمان عرفنا الآه 

ودارت فينا الأيام

كنا في الدنيا نجري 

وتموج فينا البلدان

لوعتنا السنين 

وغدر فينا الزمان

من زمان عرفنا الآه 

وفجر فينا البركان

شبت فينا النار 

وإحترقنا على الأوطان
جانا اليهود الأشرار

ومعهم الفجار
سرقوا منا أرضنا 
وشتتونا خارج الديار 
مالت علينا 
وطاح حظنا 

وعصفت فينا الأقدار 

من زمان عرفنا الآه 

وصرنا نستغيث

وللأسف ما في مغيث

عشنا مشردين 

ومن الوطن محرومين
واحد في السند 
واحد في الهند 
واحد في الشرق 
واحد في الغرب 

وفي الغربة 

عايشين ومش عايشين

من زمان عرفنا الآه 

وشاءت الأقدار 

إنقسم العرب عُربان 

وخيلهم ولت 

وصاروا دمار  

ومن كم سنه وكم يوم 

جانا سباق المارثون
فازوا النشاما 
وتشاطروا على الغلابه 
فرقوا ما بينا 

وهدوا والله حيلنا 

صار علينا حصار 

وجار علينا الزمن وجار 

بلاش أحكي عن الحصار

اللي جرى فينا عمره ما صار

اليوم تذكرونا ويا رب ما ينسونا 

الله يصلح ما بينا والشعب شاهد علينا 

.. 

كتبت بتاريخ 28/09/2017 

من كلماتي كمال سليم سلامه

ان شاءالله نكون مقبلين على ميلاد فجر جديد