بكره بدري الصبح
راجع على بلادي
انا يما وام العبد
وماخد معي اولادي
اسمعي معي يما
ابلادي بتنادي
بدي ارجع للكرم
انا وفادي وشادي
يا الله معي يما
أشيلك على اكتافي
والك مني وعد
أرجعك على بلادي
دارنا يما مدرية
من زمان مبنية
وجارنا شيخ البلد
والعيشه هناك هنية
بتذكر عند التوته
ومنها لتحت اشوية
هناك دفنا الباروده
وسرقوها الحرامية
بدي ارجع يما
واخذ معي سعدية
بلاها هنا العيشه مره
تعي معي يا رضية
...
كتبت بتاريخ 05/03/2017
من كلماتي : كمال سليم سلامه
عامية باللهجة الفلسطينية
ليست هناك تعليقات:
إرسال تعليق