رجعنا عالحديدة
وعلى الحميدة المجيدة
كنا أول مبسوطين
عايشين ومش سائلين
واليوم صرنا غلابه
وقهوتنا مره زيادة
بولينا في هالحصار
ولعبوا فينا هالتجار
خافوا الله يا مسلمين
الله يكون إلنا معين
رجعنا عالحديدة
وعلى الحميدة المجيدة
أعلناها مفلسين
ومن الطفر مقهورين
ومهما حصل وشو ما صار
أهل غزة والله كبار
إطمئنوا مش راكعين
صامدين والله صامدين
بدنا نعيش بحريه
عيشة حرة أبدية
أعلناها ع المشكوف
عملاء ما بدنا نشوف
وأهلا وسهلا بالثوار
من غزه الى جبل النار
ومن جنين الأبية
الكم منا تحيه
إطمئنوا مش راكعين
صامدين والله صامدين
...
كتبت في 20/01/2018
من كلماتي : كمال سليم سلامه
ليست هناك تعليقات:
إرسال تعليق